Film cusub oo dood weyn ka abuuray dalka Finland

Dalka Finland ayaa waxaa la hadal hayaa filim cusub oo laga sameeyay madaxweynihii hore ee dalka Finland oo lagu magacaabo Mannerheim. Filimka hadalhayntiisa ayaa bilaabtay maalintii khamiista kadib markii teleefishinka qaranka ee YLE TV lagusoo bandhigay in ninka filimka atooraha ka ah ee masalaya Mannerheim uu yahay nin madaw oo udhashay dalka Kenia.

Telefishinka YLE ayaa filimka la kaashaday shirkada kale oo caalami ah waxaana filimka lagusoo duubay dalka Kenia. Shacabka finlandeyska ayaa aad ula yaabay sababta filimka loogu soo duubay dal Afrika ka tirsan.

Filimkaan oo lagu magacaabo Marsalkka ayaa wuxuu ka sheekenaya noloshii madaxweynihii 6:aad ee dalka Finland Carl Gustaf Emil Mannerheim. mannerheim ayaa wuxuu ahaa hogaamiyihii xooga dalka Finland dagaaladii waaweynaa ee soo maray dalka bilawgii 1900:kii, wuuxuuna ahaa madaxweynaha dalka Finland qarnigii 1940:kii.

Filinka Mannerheim ayaa marka ugu horeysa lagu soo bandhigi doona bandhig filimaanta ah ee ka dhacaya magaalada Helsinki bisha sebtember, waxaa teleefishinka laga soo sii deyn doona bisha oktoobar ee sanadkan.