Xukuumada Finland oo ku heshiisay miisaaniyada sanadka soo socda ee 2013

Xisbiyada katirsan xukuumada Finland ayaa shalay heshiis ka gaaray miisaaniyada sanadka soo socda. Waxaa lagu heshiiyay in la dhimo qarashaadka dowladda canshuurtana xoogaa la adkeeyo.

Miisaaniyada sanadka soo socda ayaa lagu heshiiyay in ey noqoto 54 miljardi oo euro. Qarashaadka ku baxa maamulka ayaa waxa hoos loo dhimi doonaa 3 prosent, waxaana la qiyaasa in dakhliga canshuuraadka ey 5 prosent sare ukici doonaan. Dowlada ayaa qiyaaseysa iney usoo xarooneyso dakhli la eg 47 miljardi oo euro.

Miisaaniyada sanadka soo socda ayaa waxey ka hooseya dakhliga dowlada usoo xaroonaya 7 milajardi oo euro. Waxaana miisaaniyada lagu kabi doonaa deyn ey qaadato dowladda. Taasoo ka dhigi doonta deynta dowladda Finland lagu leeyahay 96 miljardi oo euro.

Xisbiyada katirsan xukuumada ayaa isku haayey miisaaniyada ku baxa daryeelka dadka waayeelka iyo sida loo adkeyn lahaa canshuurta. Madaxda xisbiyada mucaaradka ayaa dhaleecayay qorshaha xukuumada, iyagoo qaarkood ey qabaan in lacagaha mucaawinada iyo gunada shaqo la’aanta la dhimo.