Codadka ey heleen musharixiinta soomaaliyeed ee utartameysay golayaasha degaanka

Waxaa maalintii axada lasoo gabagabeeyay doorashooyinka golayaasha degaanka ee dalka Finland. Soomaalida kunool dalka Finland ayaa door weyn ka qaadatay doorashooyinka, iyadoo ey jireen ilaa 22 musharax oo utartameysay golayaasha degaanka.

Musharixiinta Soomaalida ayaa ka muuqday 8 xisbi ee dalka kajira inta aan ka ahayn xisbiga xagjirka ee (Perussuomalaiset). Musharixiinta Soomaalida ayaa inta badan ka sharaxnaa magaala madaxda Helsinki iyo nawaaxigeeda.

Tartanka doorashooyinka degaanka ee sanadka 2012 ayaa ahaa kuwo aad uxiiso badan, walow codbixinta ay ka yareyd sidii la filaayey oo ey noqotay 58,2 prosent.

Hadaba Hoos waxaa ku qoran codadka ey kala heleen musharixiinta Soomaalida, iyadoo 5 kamid ah ey ku guuleysteen xildhibaanimada golayaasha degaanka, halka ugu yaraan 4 ey noqdaan kusimayaal.

Shanta musharax ee ku guuleysatay tartanka ayaa waxey 2 kamid ah ka tirsan yihiin xisbiga SDP, 2 kalena katirsan yihiin xisbiga Vihreä, halka 1 musharaxna ka socdo xisbiga Keskusta.